Жаңалықтарды Telegram арнамыздан оқыңыз!2,5 млрд теңгені құрайтын залалдың орны толды. Мемлекетке келтірілген шығын «Бекіре-2024» балық қорғау акциясының аясында бюджетке қайтарылған. Бұл туралы Астанада өткен брифингте Ұлттық қауіпсіздік комитеті шекара қызметіне қарасты жағалау күзеті басқармасының басшысы мәлім етті.
Жыл сайынғы науқан Каспий теңізінде, Атырау, Маңғыстау және Батыс Қазақстан облыстарында оларға іргелес жатқан аумақтық суларда өткізілген. Нәтижесінде 297 шақырымнан астам тор мен 69 жүзу құралы тәркіленген. Заңсыз ауланған 1 мың 142 бекіре тұқымдас балық, 65 мың келіден астам ұсақ тұқымдас балық, 64 итбалық суға қайта жіберілді. Ал заңбұзушылық әрекеттерге байланысты салынған әкімшілік айыппұлдың жалпы сомасы 7 жарым млн теңгеден асқан.
