Жаңалықтарды Telegram арнамыздан оқыңыз!«Атырауда 60-ты алқымдаған ел ағасын аяусыз сабап өлтірген адам заң алдында қатаң жазаға тартылуы керек». Мәжіліс депутаты Нартай Сәрсенғалиев Ішкі істер министріне осылай деп депутаттық сауал жолдады. Адам құқығын барынша қорғайтын заң жобасы қабылданғанымен елімізде осындай оқиғалар азаймай тұр. Мәжіліс депутаты Алматы облысында той үстінде аспанға оқ атқандардың да мәселесін қозғады. Әйтпесе, бұзақылық жасағандар бейнеүндеу арқылы халықтан кешірім сұрап, жазадан сытылып кететін жағдайлар да бар, - деді ол.
Нартай Сәрсенғалиев, ҚР Парламенті Мәжілісінің депутаты:
Прокуратура, Сот-тергеу органдары Алматы облысы Еңбекші қазақ ауданының Түрген ауылында болған оқиғаны саралап, оған қатысы бар азаматтарға заңға сай қатаң жаза кесуі керек. Ішкі істер министрлігі қарапайым азаматтардың қолындағы қару-жараққа инвентаризация жүргізіп, олардың заңға сәйкес келмейтіндерін тәркілеу қажет. Және осы саланы реттейтін нормативтік-құқықтық актілерді қатаңдату керек.
Оңғар Алпысбайұлы
