Жаңалықтарды Telegram арнамыздан оқыңыз!Бельгияда мемлекеттік қызметкерлер үкіметтің қатаң үнемдеу шараларына қарсы шеруге шықты. Ереуілді елдің бірнеше қаласында жергілікті кәсіподақ ұйымы ұйымдастырған. Еуропалық парламент жақында бюджетті қатаң үнемдеу ережесін бекіткен болатын. Шерушілер 30 млрд еуроны үнемдеу үшін әлеуметтік қорғау, денсаулық сақтау салаларында қысқарту жүргізуге қарсы. Бұл - ауруханалар, білім ордалары мен коммуналдық қызмет үшін қатты соққы болады, дейді мемлекеттік қызметкерлер.
Карлос Понтиго, кәсіподақ ұйымының мүшесі:
30 млрд еуроны үнемдеу үшін биліктегілер зейнетақыны, жәрдемақыны қысқартпақ. Біз оған қарсымыз. Мемлекеттік шығынды азайтқысы келсе, 1 млн еуродан артық кірісі бар байларға салықты көбейтсін.
Клодье Стилавати, мемлекеттік қызметкер:
Біз онсызда ең төменгі жалақы алатын сала қызметкерлеріміз. Егер, біздің бюджетті тағы қысқартып, салықты көбейтетін болса, қалай күн көреміз? Бұған жол бермеу керек.
Нұрсұлу Қасым
