Қазір еліміздегі балалардың саны 7 млн-ға жуықтады. Яғни, 20 млн халықтың үштен бірі. Сәйкесінше, жылдан жылға балалар құқықтары туралы заң да күшейіп келеді. Ата-ананың перзенті алдындағы жауапкершілігі екі-үш есеге артты. Егер бала құқығы бұзылса, бұрынғыдай тараптардың келісімі деген сөз жоқ. Бірден жауапқа тартылады. Ал екі жыл бұрын балалар құқықтары туралы заңға тұңғыш рет буллинг деген ұғым енгізілді. Енді, балаға күшпен емес, сөзбен қысым көрсеткендер де заң алдында жауап береді.
Жолдас Батырхан, ҚР Оқу-ағарту министрлігі Балалардың құқықтарын қорғау комитеті төрағасының орынбасары:
Өткен жылдың желтоқсан айында Мемлекет басшысының тапсырмасына сәйкес, Бала құқықтары жөніндегі конвенцияның 3 факультативтік хаттамасын Қазақстан ратификациялады. Бұл ненін білдіреді?! Еліміздегі құқықтық деңгейдегі, ең жоғарғы деңгейдегі мәселесі шешімін таппаған кез келген бала БҰҰ-на өзінің шағымын, құқықтарының бұзылуы туралы арыз, яғни өтініш бере алу мүмкіндігіне ие болды.
Тәуірбек Бозекен
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Кез келген бала БҰҰ-ға арыз-шағым түсіре алады&mh_tags=Qazaqstan&mh_page=https://qazaqstan.tv/index.php/news/194572/)