Су деңгейінің көтерілуіне байланысты Атырау облысы Махамбет ауданындағы Лесхоз қыстауының тұрғындары эвакуацияланады. Өйткені елдімекен Жайық өзенінің жайылмасында орналасқан. Қыстаудағы 7 үйдің 30 тұрғыны үшін Дүйсенғали Түленов атындағы орта мектептегі эвакуациялық пункт дайын тұр. Қазір ауданда су деңгейі шекті нормадан асып, 9 метр 10 см-ге жетті. Индерде 10 метрге жуықтаған. Ал Атырау қаласында бүгін 5 метр 23 см. Қазір өңірде тасқынға қарсы қосымша бөгеттерді бекіту жұмыстары жүргізіліп жатыр.
Нұрсұлтан Тілектес
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Атырау облысындағы Лесхоз қыстауының тұрғындары эвакуацияланады&mh_tags=Qazaqstan&mh_page=https://qazaqstan.tv/index.php/news/193490/)