Жаңалықтарды Telegram арнамыздан оқыңыз!Түркістан облысында қоғамдық тәртіпті бақылау ісін жетілдіру мақсатында Ордабасы ауданы аумағында 2 бірдей учаскелік бекет ашылды. Олар аймақтың халық көп шоғырланған екі ауыл орталығынан жасақталып отыр. Бүгінде Бөген және Шұбар ауыл округіне 15 елді мекен қарайды. Онда 25 мыңнан астам халық тіршілік етеді. Бекеттер жергілікті халықтың сұранысына сай ашылды. Іші қызметтік байланыс және бейне құралдарымен жабдықталған. Олар деректер базасы мен жедел басқару орталығына жалғанған.
Бектай Шәмет, ауыл тұрғыны:
4 ауыл округі тұрады осы жолдың бойында. Көршіміз Арыс ауданы. Сондықтан мына бекет өте керек. Енді тәртіп те, жол апаты бар, соның бәріне жақсы септиігін тигізеді деп есептейміз.
Ғани Қалмаханов
