Жаңалықтарды Telegram арнамыздан оқыңыз!Биылғы жылдың үш айында Қазақстан мен Өзбекстан арасындағы сауда-саттық көлемі 930 млн доллардан асты. Осылайша Қазақстан көрші елдің негізгі сауда серіктестерінің алғашқы үштігінен орын алды. Бұл жайлы Өзбекстанның статистика агенттігі хабарлады.
Қаңтар-наурыз айларында елдегі сыртқы сауда айналымы 15,8 млрд долларға жеткен. Яғни, былтырғы осы кезеңмен салыстырғанда 6,2%-ға артып отыр.
Бүгінде Өзбекстан әлемнің 184 елімен сауда-саттық жасайды. Басты серіктестерінің көшін Қытай бастап тұр. Екі ел арасындағы тауар айналымы 3 млрд доллардан асты. Екінші орында Ресей. Бұл елмен арадағы импорт-экспорт көлемі 2,8 млрд долларды құрайды. Үштікті түйіндеген Қазақстан мен Өзбекстан арасындағы тауар айналымы, 937 млн доллар.
Базаркүл Отыншиева
