Жаңалықтарды Telegram арнамыздан оқыңыз!Атырау облысы Қызылқоға ауданының тұрғындары су тасқынына қарсы жұмыстарда ауызбіршілік танытуда. Ауыл азаматтары бөгет тұрғызып, жаға бекіту жұмыстарымен айналысып жатқан еріктілер мен төтенше жағдай қызметкерлеріне тәулік бойы ыстық тағам таратып жатыр. Осылайша, қызылқоғалықтар сын сәтте бірлікте болып, әркез жәрдем беруге әзір екендіктерін көрсетті. Айта кету керек, су тасқынына қарсы жұмыстарда 3000-нан астам ерікті белсенді жұмыс істеп жатыр.
Гүлзира Елеуғалиқызы, ауыл тұрғыны:
Осындай басымызға түскен қиын-қыстау уақытта қарап қалмай бар ісімізді жиып қойып ауылымызды алға қарай сүйрейік, өркендетейік, гүлдетейік деген оймен атсалысып жатырмыз. Еліміз аман, жұртымыз тыныш болсын.
Нұрсұлтан Нұрсейіт
