Жаңалықтарды Telegram арнамыздан оқыңыз!Қарулы күштердің әскери қызметкерлері су басқан елді мекендерде тәулік бойы жұмыс істеп жатыр. Әскерилер тұрғындарды апатты аймақтардан көшіру мен қоса, эвакуациялық пункттерге гуманитарлық көмек жеткізіп жатыр. Сондай-ақ жағалауды нығайту жұмыстарын жүргізіп, суды бұру және каналдарды тазартуға атсалысып жатыр.
Ақтөбе, Ақмола, Қостанай, Батыс Қазақстан, Абай және Ұлытауда облыстарындағы апаттан құтқару жұмыстарын қарулы күштер қызметкерлері наурыздың 27-нен бері атқарып келеді. Оған 500-ден астам әскери қызметші, 47 техника, оның ішінде 8 тікұшақ және әскери-көліктік авиация ұшағы жұмылдырылды. Алматыдан Орал және Ақтөбе қалаларына Төтенше жағдай министрлігінің 70 құтқарушысы мен 3000 келі құтқару құралдарын жеткізіп берді.
Армия авиациясының экипаждары мыңнан астам адамды эвакуациялады, оның 374-і – балалар. Жалпы, 150 рейс жасалып, 11 мың бес жүз келі гуманитарлық көмек жеткізілді.
