Жаңалықтарды Telegram арнамыздан оқыңыз!Шымкентте жаңа қоныстың кілтін алған отбасылар берілген пәтерлерде бұрын басқа адамдардың тұрғанын білді. Әлеуметтік желіде тараған видеода әлдекімнің жаңа баспанаға елден бұрын жайғасып, жайлы өмір сүргенін көруге болады. Осы оқиғадан кейін қалалық тұрғын үй басқармасы бұл жайтты зерделеуге кірісті. Бұл негізі әлеуметтік жағынан осал топтарға жеңілдікпен салынған көпқабатты үйлер екен. Енді қаладағы мемлекеттік бағдарлама бойынша жаңадан салынып жатқан үйлер түгелдей тексеріледі.
Көпжан Төлебаев, қалалық тұрғын үй басқармасының бөлім басшысы:
Мердігер тарапынан орын алған кемшіліктерді жоюға бағытталған жұмыстар жүргізілуде. Заң бұзушылық бойынша тиісті, кінәлі тұлғаларға тиісті шаралар көретін болады.
Ғани Қалмаханов
