Жаңалықтарды Telegram арнамыздан оқыңыз!
Риддер қаласының шетіндегі 30 саяжай мен оған баратын жолды су басып қалды. Тұрғындардың айтуынша, Лениногор гидроэлектр станциясы өте көп мөлшердегі суды жіберген. Ол Громуха өзенінің жағалауына жайылып, сол маңдағы саяжайлар мен жеке жер учаскелерін басқан. Қазір қатты аязда қатқан мұз күн санап қалыңдап келеді. Тұрғындар көктемде қар ерігенде жағдай тіпті қиындай ма, деп алаңдаулы. Әсіресе, ойпатта жатқан жер үйлерді су шайып кету қаупі бар. Сондықтан халық қазірден бастап тиісті құжаттарын әзірлеп, жауапты мекеме өкілдерінен шығындарды өтеуді талап ете бастады. Ал кәсіпорын инженерлері оқыс жағдайдың алдын ала болжау мүмкін емес екенін айтады. Биыл Риддерде күн райы жылдағыдан жылы. Салдарынан Громатуха өзені қатпай, гидро стансада үнемі мұз кептелісі болғандықтан, артық суды ағызуға мәжбүр болған. Су басқан үйлерді қалыпқа келтіру кезең-кезеңмен жүзеге асырылмақ. Шығын сараптама қорытындысына сай өтеледі.
Олжас Керейхан
