Жаңалықтарды Telegram арнамыздан оқыңыз!Абай облысында 300-ден астам адам жолда қалып қоя жаздады. Олар көктайғақ пен ауа райының қолайсыздығына қарамастан қалааралық автобуспен жолға шыққан. Абырой болғанда, межелі жерге жете алмаған жолаушыларды облыстық төтенше жағдай департаментінің қызметкерлері құтқарып, жылыту пунктілеріне орналастырды. «Семей — Үржар» бағыты бойынша жолға шыққан тағы екі автобустағы 214 жолаушы Қалбатау ауылындағы «ДЭУ-28» жылыту пунктіне жеткізілді. «Семей-Барлық Арасан» және «Өскемен-Мақаншы» бағыттары бойынша жүретін екі автобустан 98 жолаушы Жаңаөзен ауылының балалар лагерінде орналасқан жылыту пунктіне орналастырылды.
Қаракөз Тұрмағанбет
