Жаңалықтарды Telegram арнамыздан оқыңыз!Мажарстанда қазақ киносының күндері өтті. Еліміздің осы мемлекеттегі елшілігі ұйымдастырған шараның алғашқы күні көпшілікке Рүстем Әбдіраштың «Қазақ хандығы. Алтын тақ» фильмі көрсетілді. Ұлы дала үшін күрес және қазақ мемлекетінің құрылуын баяндайтын туындыны мажарлар тапжылмай тамашалады. Сондай-ақ, көпшілікке мажарстандық режиссер Тамаш Тоттың «Өліара» фильмі көрсетілді. Туынды қазақ халқының тарихындағы күрделі кезең: аштық пен ауыл шаруашылығын ұжымдастыру кезеңін баяндайды. Қос туындыға да көрермен жоғары баға берді.
Дәуіт Шомфай, Мажарстандық этнограф-ғалым:
Қазақтар ежелгі ел, 5-ғасырда қазақ хандығы құрылып, 3- 4 ғасырдай қазақ хандығы күшті мемлекет болып тұрған Орта Азияда. Оның тарихын жақсы көрсеткен кино екен Рүстем Әбдіраштың. Біз қуаныштымыз соны көргенімізге.
Иштван, көрермен:
Мен Қазақстан тарихындағы қайғылы оқиғалар туралы жақсы білемін. Қазақ халқы қанша қиындық көрсе де, сынаққа мойымай, алға қарай ұмтылды. Фильмдер арқылы сол кезеңдегі трагедияны айқын сезіндік.
Нұрсұлу Қасым
