Жаңалықтарды Telegram арнамыздан оқыңыз!Қыркүйек-желтоқсан айлары аралығында Жетісу облысында вирустық «А» гепатитімен сырқаттанғандар саны 7 есеге өскен. Егер өткен жылы індеттің ілмегіне ілінгендер саны небәрі 4 адам болса, биыл 29-ға жетіп отыр. 27 адамның диагнозы зертханалық сынамалармен расталған. Олардың арасында 14 жасқа дейінгі балалар саны – алтау. Науқастардың 28 пайызында гепатит адамнан адамға жұқса, 72 пайызында маусымдық сырқат деп белгіленген. Науқастармен қарым-қатынаста болған азаматтар медициналық бақылауға алынып, иммундау жұмыстары жоспарға сай жүргізілуде.
Индира Күнбасова, Жетісу облыстық санитариялық-эпидемиологиялық бақылау департаменті басшысының орынбасары:
Бұл жұқпа вакцинасы бар. Бұл вакцинаны енгізілгелі бері, мысалға біздің облыста 2011 жылдың қараша айынан бастап енгізілген. Сол жылдардағы сырқаттанушылықпен салыстырсақ, қазіргі сырқаттанушылық 7 есе төмендеді.
Қуаныш Қанатұлы
