Жаңалықтарды Telegram арнамыздан оқыңыз!Елімізде қатерлі дертпен күрес күшеймек. Жыл сайын аты жаман ауруға 37 мың адам шалдықса, оның 13 мыңы көз жұмады. Бұл қорқыншты статистиканы төмендету үшін кешенді бағдарлама әзірленген еді.
Диляра Қайдарова, Қазақ онкология және радиология ғылыми-зерттеу институтының төрайымы:
Биыл қазанда Үкімет онкологиялық аурумен күресу үшін 5 жылдық кешенді бағдарламаны қабылдады. Осы аралықта барлық онко орталықтар модернизациядан өтеді, қазір жаңа құрылғылар алынып жатыр, 17 миллиард теңге дәрі-дәрмекке бөлінді. Алматы, Ұлытау, Жетісу облыстарында жаңа орталық ашылады, ал Ақтөбе мен Қостанай облыстарында радиологиялық корпус іске қосылмақ. Сондай-ақ, Алматыдағы Педиатрия орталығында жаңа операциялық блок салу көзделген. Мұның бәрі бір жыл бұрын Перзиденттің сайлауалды бағдарламасында айтылған еді.
Әйгерім Ердәулет
