Жаңалықтарды Telegram арнамыздан оқыңыз!
Мемлекет басшысы Стратегиялық жоспарлау және реформалар агенттігінің төрағасы Жандос Шаймардановты қабылдады. Ол Президентке экономикадағы құрылымдық және институционалдық реформалардың жүзеге асырылуына жасалған сараптама жұмыстарын таныстырды.
Сондай-ақ, мемлекеттік статистика және деректерді басқару мәселелері бойынша заң жобасы әзірленгенін баяндады. Мемлекет басшысы әлеуметтік-экономикалық реформаларды сапалы әзірлеу маңызды екенін айтты. Әрі осы бағыттағы жұмысты жалғастыруды тапсырды.
Жандос Шаймарданов, Стратегиялық жоспарлау және реформалар агенттігінің төрағасы:
Бүгін Мемлекет басшысының қабылдауында болдым. Кездесу барысында агенттіктің қазіргі жұмысы мен жоспарлары туралы баяндадым. Президентке экономикадағы құрылымдық реформалардың жүзеге асырылуы баяндалды. Сонымен бірге ұлттық статистика бюросының цифрлық ведомствоға трансформациялау бойынша Президент тапсырмасының іске асуы туралы айттым. Кездесу соңында Президент бірқатар нақты тапсырмалар берді.
Аида Ахметбек
