Жаңалықтарды Telegram арнамыздан оқыңыз!Бұл жайт зардап шеккен азаматтардың жақындарының ғана емес, бүтін бір Қазақстандықтардың қабырғасын қайыстырды дейді депутат Аманжол Әлтаев. Депутат шахтада қаза болған қызметкерлердің жақындарына бекем болуын сұрайды. Сондай-ақ зардап шеккен азаматтардың тезірек сауығып кетуіне тілектестік білдірді.
Аманжол Әлтаев, ҚР Мәжіліс депутаты:
Қарағандыдан жеткен қайғылы оқиға баршамыздың қабырғамызға батты. Қаншама отбасы өз асыраушысынан айырылды. Мемлекет басшысы үкіметке нақты тапсырмалар берді. Осы қайғылы оқиғаға душар болған шахтерлердің отбасына тиісті барлық көмекті көрсетуді тапсырды. Отбасындағы қайғыға душар болғандарға бекем болыңыздар дегім келеді.
Роза мұқанова, Қазақстанның еңбек сіңірген қайраткері, жазушы:
Біздің елде әр адамның, ұлттың құндылығынан, адамның құндылығынан асқан құндылық жоқ. Мынау апат қазақстандықтар үшін қаралы күн болып тұр. Осы ауыр жағдайда кеншілердің отбасына қайғырып көңіл айтамын.
