Жаңалықтарды Telegram арнамыздан оқыңыз!Қарағанды облысының Топар кентінде үш адам сібір жарасын жұқтырды. Қазір олар ауруханада жатыр.
Руслан Нұрланұлы , тілші:
Топар кентіне кіретін екі жол болса, біріне блок-бекет қойылған. Ал мына екінші бағытта санитарлық бекет жұмыс істеуде. Елдімекеннен мал, ет, сүт өнімдері, жем-шөп алып шығаруға және ішке кіргізуге болмайды. Тұрғындардың өзі қатаң бақылаумен өтуде. Ветеринар мамандардың берген мәліметінше қауіпті инфекция жұқтырған үш адам да бір отбасының мүшелері. Олар бұзауды сойып, етін тұтынған. Содан кейін өздерін жайсыз сезініп, дәрігер шақыртқан. Қазір жұқпалы ауруларды емдейтін ауруханада жатыр. Сібір жарасы бұл адам өміріне қауіпті ауру. Көбіне мал терісін ұстау, еті мен сүтін тұтынудан жұғады. Кентте өзге Сібір жарасы ошақтары анықталмаған. Осыған қарағанда алдын-ала болжам бойын инфекция сырттан жеткізілген жем-шөптен де болуы мүмкін,- дейді мамандар. Біз алдағы уақытта болған жайтқа байланысты тың ақпараттармен бөлісетін боламыз.
Руслан Нұрланұлы
