Жаңалықтарды Telegram арнамыздан оқыңыз!Өңірлік және республикалық бұқаралық ақпарат құралдарын бөліп-жару дұрыс емес. Елімізде бірыңғай ұлттық ақпараттық кеңістік болуы керек. Бұл туралы Мәдениет және Ақпарат министрі Аида Балаева жетісулықтармен кездесуінде айтты. Ведомство басшысы Президенттің биылғы Жолдауындағы негізгі аспектілерді тілге тиек етіп, Мәжіліс қарауында жатқан МассМедиа туралы заңға тоқталды. Мәдениет, әдебиет, журналистика төңірегінде пікір алмасып, азаматтық қоғам қалыптастыруда кездесуге келген сала өкілдерінің белсенділігін атап өтті.
Аида Балаева, ҚР Мәдениет және Ақпарат Министрі:
Өңірлік газеттерге, өңірлік бұқаралық ақпарат құралдарында барлық министрліктің жүйелі түрде шығып, министрлер өздерінің нақты бағыты бойынша сіздерге түсіндірме ия болмаса өзінің стратегияларын анықтайтын мақалалар жария етуге мен ықпалдасамын.
Қуаныш Қанатұлы
