Жаңалықтарды Telegram арнамыздан оқыңыз!«Саламатты Қазақстан» медициналық пойызы Маңғыстау өңіріне барды. 22 дәрігер Болашақ, Жетібай, Мұнайшы секілді бірқатар ауылда болып, тұрғындарға қызмет көрсетті. Арнайы пойыз 8 вагоннан тұрады. Оның 4-уі қан құрамын талдайтын зертханамен, көз-құлақ және ағзадағы сырқат белгілерін анықтайтын заманауи құралдармен жабдықталған.
Еске сала кетсек, пойыз 26 сәуірде Алматыдан шыққан болатын. 6 желтоқсанға дейін 120-дан астам елдімекенге барады. Білікті мамандар бүгінге дейін 37 мыңға жуық адамға медициналық қызмет көрсетті. Оның 15 пайызы балалар. Биыл дәрігерлермен қатар заңгер-медиаторлар да халыққа тегін құқықтық көмек көрсетіп жатыр.
Айнұр Еділбаева, «Саламатты Қазақстан» пойызының бас дәрігері:
Егер нақты диагнозын көріп тұрсақ, дәрігерлер емін де жазып береді. Науқас әрі қарай бақылауда тұру болуы керек болса, жергілікті облыс-аудандық болсын өздерінің дәрігерлеріне сол науқас жайлы ақпаратты жібереміз. Үлкен станцияда 2 күн, кішкентай станцияда 1 күн тұрамыз.
Дарын Сағитов
