Жаңалықтарды Telegram арнамыздан оқыңыз!
«Мергендер мекені» реалити тележобасының финалдық кезеңі өтіп, түсірілім аяқталды.
Әр аймақтан іріктеуден үздік шыққан бес садақшы ақтық кезеңде бақ сынасты. Қорамсаққа қол салып, садақты құлаштай тартқан мергендер үш кезең бойынша тартысқа түсті. «Мергендер мекені» мегажобасы Ұлттық арнаның жаңа телемаусымында көрерменге жол тартады. Жобаны «Qazaqstan» ұлттық арнасы мен Ұлттық спорт қауымдастығы бірлесе ұйымдастырып отыр.
Тастанбек Есентаев, Ұлттық спорт қауымдастығының вице-президенті:
Ұлттық спорттың қоғамда алатын орны өте маңызды. Біз ұлттық спорт арқылы жастарды тәрбиелеуіміз керек. Бұл - бүгінгі біздің жастарға серпіліс берді. Халқымыздың рухын көтерді. Халықтың ішінен, жәй қарапайым жастардың ішінен таланттарды табуға мүмкіндік берді.
Дархан Рахымжан
