Жаңалықтарды Telegram арнамыздан оқыңыз!Ресейдің Орынбор облысы, Беляев ауданында қазақ музейі жаңғыртылады. Өңірдегі өлкетанушылар, музей қызметкерлері ұлтымыздың тарихын, дәстүрін айшықтайтын құнды жәдігерлерді жинап жатыр. Оған аудандағы тұрғындар да атсалысуда. Басты мақсат – ұлттық кодымызды сақтап, дәстүрімізді жаңғырту дейді олар. Ал өңірдегі тарихшы, энциклопедист Совет Шақымов жойылып кеткен қазақ ауылдары туралы зерттеу жүргізіп, арнайы кітап шығарған.
Совет Шақымов, тарихшы, энциклопедист:
Мен зерттеумен мектеп кезінен бастап айналыстым. Тек Беляев ауданында 200-ден астам ауылдың болғаны анықталды. Қазір оның 28-і ғана қалған. Жойылып кеткен елді-мекендердің ішінде қазақ ауылдары көп. Ауылдар, тіпті карта бетінен жоғалып кеткен. Ең көне ауылдардың бірі Бораншы ауылы деп айтуға болады. Ол шамамен 1621 жылы құрылған.
Индира Бегайдар
