Жаңалықтарды Telegram арнамыздан оқыңыз!Абай облысындағы өртті сөндіруге әскерилер де жұмылдырылды. Қорғаныс министрлігіне Успенка, Каштак және Талица ауылдары маңындағы аумақтар бекітілген. Ведомствоның арнайы техникалары жіберілді. Оның ішінде жылдам жүретін траншеялық көліктер, бульдозер-жол төсегіштер, К-700 тракторы, шағын жүктерді тасымалдауға арналған тралдар мен инженерлік разрядтау машиналары бар. Өрт ошақтарын жою мен жағдайды бақылауда ұстау үшін әскери ұшқыштар тартылған. Жалпы, әскери авиация экипаждары өрт ошақтарына мың тоннадан астам су шашты. Қызыл жалынмен күреске Қарулы күштердің 460 әскери қызметшісі, 42 бірлік инженерлік техника мен 5 тікұшақ жұмылдырылған. Резервте 600-дей адам мен 30 арнайы машина дайын тұр.
Серік Селеубай
