Шайбалы хоккейден әлем чемпионатының элиталық дивизионында бүгін Қазақстан құрамасы Словениямен кездеседі. Бұл хоккейшілеріміздің топтық кезеңдегі соңғы ойыны. Матч елорда уақытымен 23:10-да басталады.
Ойынды «Qazsport» телеарнасы тікелей эфирде көрсетеді. Екі құрама бұған дейін он бір мәрте кездесті. Сегіз ойында Қазақстан жеңіске жеткен. Ғалым Мамбетәлиевтің шәкірттері соңғы ойынын Латвияға қарсы өткізіп, 0:7 есебімен жеңілген. Десе де біздің құрама командамыз әлем чемпионаты элиталық дивизионындағы орнын сақтап қалды.
Егер бүгін ұлттық құрама командасы жеңіске жетсе, топтық кезеңді алтыншы орынмен аяқтайды.
Асылбек Данияр
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Шайбалы хоккейден әлем чемпионатының элиталық дивизионында Қазақстан құрамасы Словениямен кездеседі&mh_tags=Qazaqstan&mh_page=https://qazaqstan.tv/index.php/news/176261/)