Жаңалықтарды Telegram арнамыздан оқыңыз!Бүгін Ақордада елімізде атом электр стансасын салу мәселесі талқыланды. Президент Қасым-Жомарт Тоқаев Атом энергиясы жөніндегі халықаралық агенттіктің Бас директорын қабылдады. Кездесуде техникалық саладағы ынтымақты нығайту жұмысы да сөз болды. Рафаэль Гросси ядролық қарудан бас тарту және оны таратпау бойынша Қазақстанның рөлі жоғары екенін айтты.
Қасым-Жомарт Тоқаев, Қазақстан Республикасының Президенті:
Сіздің сапарыңыз өзара қарым-қатынасымызды дамыту тұрғысынан дер кезінде жасалып отырғанына сенімдімін. Қазақстан үшін Агенттікпен жұмыс істеудің мәні зор. Аса маңызды құрылымның басшысы ретіндегі Сіздің қызметіңізді қолдаймыз және жоғары бағалаймыз.
Рафаэль Гросси, Атом энергиясы жөніндегі халықаралық агенттіктің бас директоры:
Біз түрлі салада көп істі бірге атқарып келеміз. Денсаулық сақтау саласынан бастап ядролық энергетиканы дамытуға қатысты болашақ бағдарламаңызға дейін көптеген мәселе бойынша сізбен пікір алмасатыныма өте қуаныштымын.
Шерхан Жамбылұлы
