Жаңалықтарды Telegram арнамыздан оқыңыз!Сот шешімімен Қазақ Ұлттық Университетінің меншігіне 2 жер учаскесі қайтарылды. Бұл туралы Мемлекет басшысының қабылдауында болған ректор Жансейіт Түймебаев айтты. Ол оқу орнын дамытудың жаңа бағыттары туралы баяндады. Бүгінде университетте 24 мыңнан астам студент, соның ішінде әлемнің 54 елінен 2 мың 800 шетелдік азамат білім алады. Былтыр әлемнің жетекші университеттерімен 30-дан астам келісім-шарт жасалған. Президент жоғары оқу орнының халықаралық мәртебесін нығайтып, ғылыми-зерттеу жұмыстарын күшейту қажет екенін айтты.
Шерхан Жамбылұлы
