Елімізде алдағы үш жылдың ішінде бір жарым миллион оқушыға арналған 500-ден астам мектеп ашылады. Бұл туралы Премьер-министрдің орынбасары Алтай Көлгінов «Бас тақырып» бағдарламасында айтты. Сұхбат барысында «Жайлы мектеп» ұлттық жобасының аясында атқарылатын жұмыс жайлы әңгіме өрбіді. Жалпы, елімізде 240 мың оқушыға орын жетпейді. Әлі 150 мектеп үш ауысымда жұмыс істеп келеді. Тіпті, саман кірпіштен салынған, апатты жағдайда тұрған білім ошақтары бар. Бұл мәселелер кезең-кезеңімен «Жайлы мектеп» жобасы шеңберінше оң шешімін табады.
Алтай Көлгінов, ҚР Премьер-Министрінің орынбасары:
2 трлн 600 млрд теңге тек осы мектептерді салуға 2026 жылға дейін қаражат бекітілді. Біріншіден «Жайлы мектеп» аясында 400-ден астам жаңа мектеп пайда болады. Барлық жағдайлар, талаптармен салынады. Қосымша қаражат көздерінін тағы да 100-ден астам 500-ден астам мектеп 1,5 миллион оқушыға ашылады.
Азамат Бейбітұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елімізде алдағы үш жылда 500-ден аса мектеп салынады&mh_tags=Qazaqstan&mh_page=https://qazaqstan.tv/index.php/news/172563/)