Жаңалықтарды Telegram арнамыздан оқыңыз!Ұлттық арнаның эфирінен өткен пікірсайыста партия өкілдері сөз жарысына түсіп, қоғамдағы өзекті мәселелерді талқылады.
Мәжіліс сайлауына қатысатын партиялар арасындағы пікірсайысқа «Amanat» партиясынан Елнұр Бейсенбаев, «Ауыл» халықтық-демократиялық партиясынан Жигули Дайрабаев, «Respublica» партиясынан Сырымбек Тау, Қазақстан Халық партиясынан Асхат Асылбеков, «Байтақ» жасылдар партиясынан Азаматхан Әміртаев, «Ақ жол» демократиялық партиясынан Берік Дүйсембинов, ал Жалпыұлттық социал-демократиялық партиясынан Нұрлан Әуесбаев қатысты. Сөз жарысы 4 кезең бойынша өрбіді. Біріншіде - кандидаттар әлеуметтік-экономикалық бағыттар бойынша ұсынысын айтты. Екінші кезеңде - саяси ұйым өкілдері арасында қызу дискуссия өтті. Ал үшінші кезеңде 2 минут ішінде сайлауалды тұғырнамасының үш негізгі бағытына тоқталды. Соңғы кезеңде партия өкілдері сайлаушыларға үндеу жасады.
Нұрбек Матжани, «Қазақстандық қоғамдық даму институты» КЕАҚ басқарма төрағасы:
Шынын айту керек, тікелей эфирде дәл осылай Мәжіліске баратын партиялар арасында пікірсайыс өткені есімде жоқ. Мұны партиялардың да әбден күткені көрініп тұр. Эмоция көп болды. Шынымен қызықты өткенін көрдік және оған куә болдық деп ойлаймын.
