Жаңалықтарды Telegram арнамыздан оқыңыз!Алтын өндіретін «Бестөбе» шахтасының проблемасы шешілуі тиіс. Мәселе Президент бақылауында. Үкімет пен жергілікті органдарға тиісті тапсырма жүктеген Мемлекет басшысы Степногорск қаласының тұрғындарымен жүздесті. Жұрт арыз-шағымын айтуға мүмкіндік алды. Шалғай елді мекендерден келіп уәжін жеткізгендер де бар.
Тұрғын:
Бестөбе алтын өндіретін шахталары 2021 жылдан бері тоқтап тұр. 1300 шахтер жұмыссыз отыр. Олардың отбасы бала-шағасы бар. Қазіргі уақытта шахтаны су басып жатыр. Соған шұғыл түрде сізден көмек сұраймыз.
Қасым-Жомарт Тоқаев, Қазақстан Республикасының Президенті:
Бұл мәселені шешу керек. Сондықтан Үкіметке тиісті тапсырманы мен бердім. Таяу арада шешіп аламыз деп айта алмаймын. Дегенмен бұл мәселе менің бақылауымда болады.
Сондай-ақ, қала тұрғындары экологиялық ахуалға алаңдаулы Степногорсктегі ПХД қалдықтарын сақтауға қатысты қиындықтарды айтты.
Қасым-Жомарт Тоқаев, Қазақстан Республикасының Президенті:
Мен бұл мәселеден хабардармын. Маған утилизация бойынша шағын кәсіпорын салу жөнінде шешім бар екені жөнінде баяндады. Мұндай шешімді қолдаймын.
Асима Нұрбайқызы
