Түркияда зілзала аумағында болған қазақстандық 19 студент бүгін елге ұшып келеді - «Qazaqstan» Ұлттық телеарнасы

Түркияда зілзала аумағында болған қазақстандық 19 студент бүгін елге ұшып келеді

07.02.2023

Түркияда зілзала аумағында болған қазақстандық 19 студент бүгін елге ұшып келеді. Тағы 18 азамат құтқарушыларды апарған ұшақпен кері қайтуға ниет білдіріп отыр. Оның екеуі – Қырғызстан азаматы. Бұл туралы бүгін Сыртқы істер министрлігінің ресми өкілі хабарлады.

Айбек Смадияровтың айтуынша, жер сілкінісі болу қаупі әлі сақталып отыр. Сондықтан елге оралғысы келетін азаматтарға министрлік қолдау көрсетуге дайын. Осыған орай арнайы жедел желі іске қосылды. Оның нөмірі экранда көрсетілген. Азаматтар хабарласып, көмек сұрай алады.

АЙБЕК СМАДИЯРОВ, ҚР СЫРТҚЫ ІСТЕР МИНИСТРЛІГІНІҢ РЕСМИ ӨКІЛІ:

Осы уақытқа дейін зардап шеккен немесе қаза тапқандардың тізімінде Қазақстан азаматтары жоқ. Сонымен қатар көптеген қираған ғимараттың астынан зардап шеккендерді құтқару әлі жалғасуда. Оған қоса соңғы мәлімет бойынша, Түркияда 8219 қазақстандық студент білім алуда. Жалпы түрік тарапының мәліметінше, елде Қазақстанның 75 мыңға жуық азаматы болуы мүмкін.


Хабарламаларға жазылу