Жаңалықтарды Telegram арнамыздан оқыңыз!
Елордада «Байтақ» жасылдар партиясының ІІ съезі өтті.
Саяси құрылымның сайлауалды тұғырнамасы бекітілді. Мәжіліс депутаттығына тізім бойынша 18 кандидат ұсынылып отыр. Тағы төрт үміткер мажоритарлық жүйе бойынша сайлауға қатысады. Ал жергілікті мәслихаттарға 160 кандидат тіркелген. Саяси құрылым елдегі экологиялық проблемалармен қатар, халықтың табысын арттыру мен әлеуметтік мәселелерді шешуге басымдық беруді көздеп отыр. Жиынға аймақтардан да делегаттар қатысты.
Айта кетейік, әлеуметтік әділеттілік, халықтық демократия және экологияға ұқыпты қарау қағидаттарын ұстанған «Байтақ» партиясы өткен жылдың соңында құрылған болатын.
Азаматхан Әміртай, «Байтақ» жасылдар партиясының төрағасы:
Партия құру үшін 7 жылдай қозғалыс болып жұмыс істедік. Барлық осы халық арасындағы мүдделес адамдарды өз арамызға жинап, солармен бірігіп партия құрып отырмыз. Негізгі мақсатымыз – қоршаған ортаны қорғау. Екінші адам денсаулығы.
