Жаңалықтарды Telegram арнамыздан оқыңыз!Маңғыстау облысында үшем дүниеге келді. Барлығы қыз бала. Оларға Әлина, Әдина және Ясмина есімі берілді.
Нәрестелер жарық дүние есігін ашқан сәттен бастап тұрақты медициналық бақылауға алынған. Екеуінің салмағы 1 келі 600 грамм болса, үшіншісі 1 келі 850 грамм.
«Ана мен бала» перинаталдық орталығындағы дәрігерлердің айтуынша, қазір ананың да, сәбилердің де жағдайы жақсы. Бұл - биыл Маңғыстау облысында дүниеге келген алғашқы үшем.
24 жастағы Гүлдана Сахи «Аңсаған сәби» мемлекеттік бағдарламасының арқасында құрсақ көтерген. Бағдарлама аясында былтыр өңірге 300-ге жуық квота бөлінген. Соның нәтижесінде, бүгінде 70-ке жуық әйел бала сүйді.
Гүлдана Сахи, Мұнайлы ауданының тұрғыны:
Біз бірінші егіз деп ойладық. 12 аптаға барған кезде үшем екенін білдік. Әр бала өз несібесімен келеді. Сондықтан да ештеңеден қорықпай, баланы өмірге алып келуін қалаймын өзім қыздардың, қыз-келіншектерге айтарым сол.
Аягөз Оралбайқызы
