«Ауыл аманаты»: Жобаның жаңа кезеңі басталды - «Qazaqstan» Ұлттық телеарнасы

«Ауыл аманаты»: Жобаның жаңа кезеңі басталды

16.01.2023

Ауыл мәселесі бірінші кезекте шешілуі керек. Президент Қасым-Жомарт Тоқаевтың сайлауалды бағдарламасында көрсетілгендей алдағы 7 жылда ауыл тұрғындарының табысын арттыруға 1 триллион теңге бөлу жоспарланып отыр. Нәтижесінде ауыл шаруашылығында 350 мыңнан астам жұмыс орны ашылады деп күтілуде. Бұл туралы Ақтөбе облысына жұмыс сапарымен барған «Amanat» партиясының төрағасы Ерлан Қошанов айтты. Өңірдегі шаруа қожалықтары өкілдерімен кездескен төраға «Ауыл аманаты» жобасының жаңа кезеңін жүзеге асыру жайын талқылады. Жобаға биылдың өзінде 52 миллиард теңге бөлінген. Бұдан бөлек, «Қаржылық сауаттылықты арттыру» жаңа партиялық жобасы іске қосылды.

Ерлан Қошанов, «Amanat» партиясының төрағасы:
Бүгін басталғалы отырған «Ауыл аманаты» жобасы да осының дәлелі. Бұл - ауыл халқының тұрмысын жақсартуға, табысын арттыруға, барлық әлеуметтік мәселелерді шұғыл шешуге бағытталған нақты жоба. Бір сөзбен айтқанда мемлекет бүгінде ауылға түпкілікті бетбұрыс жасап отыр.

Асылбек Данияр

Хабарламаларға жазылу