Сенат сайлауы: Жамбыл облысында 3 кандидат үгіт-насихат жұмысын атқаруда - «Qazaqstan» Ұлттық телеарнасы

Сенат сайлауы: Жамбыл облысында 3 кандидат үгіт-насихат жұмысын атқаруда

06.01.2023

Жамбыл облысынан Парламент Сенатының депутаттығына өзін-өзі ұсыну тәртібімен 5 кандидат тіркелген. Бірақ кейін 2 үміткер облыстық сайлау комиссиясына өз кандидатурасын алып тастау туралы өтініш берген. Қалған 3 үміткер аймақтағы елдімекендерді аралап, үгіт-насихат жұмыстарын жүргізіп жатыр. 14-ші қаңтарда облыстағы жергілікті мәслихаттың 206 депутаты жасырын түрде дауыс беріп, олардың арасынан кім Сенат депутаты болатынын анықтайды.

Серғали Айдапкелов, Облыстық сайлау комиссиясының төрағасы:
Қазіргі кезде үгіт-насихат жұмысына 3 кандидат өз жұмыстарын атқаруда. Олар енді негізінен ақпарат құралдары арқылы және мынау таңдаушылармен кездесу, қоғамдық ұйымдармен кездесу жұмыстарын атқарып жатыр. Бүгінгі күнге облыстық сайлау комисиясына кандидаттар тарапына, үгіт-насихат жұмысы барысында заң бұзушылық туралы ақпарат түскен жоқ.


Хабарламаларға жазылу