Оқушыларға мектепте орын тапшылығы әлі де өзекті мәселе. Ұлттық статистика бюросының дерегіне қарағанда, елде 291 мыңнан аса оқушы үш ауысымды мектепте оқиды. Қазақстанда қазір 7600 мектеп бар. Оның 5300-і ауылда орналасқан. Елдімекендердегі мектептерге 1,5 млн оқушы барады. Ренгинг агенттігінің мәліметінше, үш ауысымды мектептер мәселесі Алматы қаласы, Маңғыстау, Атырау, Түркістан облысында өткір тұр. Оқу-ағарту министрлігі мектептерді көбейту үшін «Жайлы мектеп» жобасы арқылы 2025 жылға дейін 800 мың оқушыға арналған нысан салынатынын хабарлаған. Бұл іске 2 трлн 600 млрд теңге қарастырылғаны да айтылды. Қаржы Ұлттық қордан және республикалық бюджеттен кезең-кезеңімен бөлінеді. Жалпы үш жылда елде 1,5 миллионға жуық бала дүниеге келген.
Ақерке Бектас
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елде 291 мыңнан аса оқушы үш ауысымды мектепте оқиды&mh_tags=Qazaqstan&mh_page=https://qazaqstan.tv/index.php/news/169507/)