Жаңалықтарды Telegram арнамыздан оқыңыз!«7-20-25» ипотекалық бағдарламасы ұзартылды. Ұлттық банктің хабарлауынша, тиісті қаулы қабылданды. Келесі жылы бағдарламаға қосымша 100 миллиард теңге бөлінбек. Оның шарты өзгеріссіз. Жылдық мөлшерлеме 7 пайыз, мерзім 25 жыл. Алғашқы жарна 20 процент. Бағдарлама бойынша тек жаңа үйлерді алуға болады. Осы уақытқа дейін 850 миллиард теңгеге 64 мыңнан астам ипотека рәсімделді. Айта кетейік, бұған дейін жылжымайтын мүлік саласының сарапшылары «7-20-25» бағдарламасының ұзартылуы баспананың қымбаттауына түрткі болуы мүмкін деген еді.
Досжан Маратұлы
