Жаңалықтарды Telegram арнамыздан оқыңыз!Айналаңнан жаңа көктем лебі ескен,
Бұл кезеңде күн менен түн теңескен.
Сан ғасырлық ата-баба салтына,
Көпір болған Наурыз өзің емес пе ең?!
Таулы, таусыз жерімнің,
Өзен, теңіз көлімнің
Жаса, ұлы Наурызы
Жаңа жылы елімнің.
Қуат жиса пәктігің,
Асқақтайды шоқтығың.
Тамыр алмай тарихтан
Мазмұнданбас шаттығың.
Жүріп жатыр ерлік, ездік жарысы,
Наурыз нағыз сәулелі ойлар қонысы.
Наурыз сайын ағаш егу, гүл егу
Әр адамның табиғаттық борышы.
Наурыз парқы – өз санаңды өсіру,
Пенделікті ізгілікке көшіру.
Өткен жылы өкпелесең біреуге
Сол өкпеңді дархандықпен кешіру.
Мұхтар ШАХАНОВ
