Маңғыстау облысында берілетін ыстық судың көлемі күрт азайған - «Qazaqstan» Ұлттық телеарнасы

Маңғыстау облысында берілетін ыстық судың көлемі күрт азайған

06.12.2022

Маңғыстау облысының әкімі өзінің бірінші орынбасары мен Ақтау қаласының басшысына сөгіс жариялады. Энергетика және тұрғын үй-коммуналды шаруашылық басқармасы мен «МАЭК» коммуналды мекеме басшылары да тәртіптік жазаға тартылды.

Нұрлан Ноғаев Ақтауды жылу және ауыз сумен толық қамтамасыз ету бойынша кеңес өткізіп, жағдайды тұрақтандыру үшін шұғыл шаралар қабылдауды тапсырды.

Бұған дейін хабарлағанымыздай, соңғы 1 аптада шахарда ыстық суды тұтыну көлемі күрт көбейіп, кәсіпорынның қоймаларында су азайып қалған. Болжам бойынша желілерде ақау пайда болып, салдарынан су көп мөлшерде ағып кеткен болуы мүмкін.

Осыған байланысты шаһарды жылумен үзіліссіз қамту үшін, нысандар мен тұрғын үйлерге ыстық су беру шектелген.

Аягөз Оралбайқызы

Хабарламаларға жазылу