Жаңалықтарды Telegram арнамыздан оқыңыз!Еуро Одақ Қазақстанмен транзит және көлік қатынасын нығайтуға мүдделі. «Транкаспий» халықаралық көлік бағытын дамытуға қаржы бөлуге дайын. Бұл туралы Брюссельде өткен Индустрия және инфрақұрылымдық даму министрі мен одақ өкілдерінің кездесуінде айтылды. Қайырбек Өскенбаев көлік жөніндегі Еурокомиссармен, Еуро парламент өкілдерімен және Бельгия көлік министрімен кездесті. Тараптар Транскаспий дәлізіндегі инфрақұрылымды дамыту, тауар тасымалдаудағы кедергілерді жою жайын талқылады. Біздің ел алдағы 3 жылда қарт құрлыққа 10 млн тонна жүк жеткізуді жоспарлап отыр.
Қайырбек Өскенбаев, ҚР Индустрия және инфрақұрылымдық даму министрі:
Бүкіл әлемде Украинаға байланысты бидайдың, астықтың мәселесі өте маңызды болып отыр. Еуропа, біз сатып алуға дайынбыз, өйткені мына Африка елдеріне, басқа да астыққа зар боп отқан елдерге, Сіздерден мүмкіншілік болса, жеткізетіндей болса, сол астықты толығымен сатып алуға дайынбыз деп олар келісіп отыр.
