Рудныйда құбыр желісінде апат болып, 33 көпқабатты тұрғын үй мен бір мектепке жылу беру тоқтатылған - «Qazaqstan» Ұлттық телеарнасы

Рудныйда құбыр желісінде апат болып, 33 көпқабатты тұрғын үй мен бір мектепке жылу беру тоқтатылған

30.11.2022

Бүгін Рудныйда құбыр желісінде апат болып, 33 көпқабатты тұрғын үй мен бір мектепке жылу беру тоқтатылған. Апат Гагарин мен Шевченко көшелерінде болған. Тұрғындар электр жылытқышын қосып отырған. Оның үстіне бүгін Рудныйда ауа температурасы -26 градусқа дейін төмендеген. Сондықтан, бірінші және екінші ауысымдағы бастауыш сыныптар қашықтан оқуға көшірілді. Қазір құбыр желісіндегі ақауды жөндеу жұмыстары жүргізіліп жатыр.

Арман Жүнісов, «Рудный жылу желілері» ЖШС директоры:
Қазіргі таңда апатқа ұшыраған 33 тұрғын үй церкуляцияда, яғни айналымда тұр. Біз ол үйлерді жылу желісінен, ыстық судан ажыратқан жоқпыз. Бір мектеп, бір балабақша және бір колледж, олардың бәрінде де сондай жағдай. Бізге бір жарым, екі сағат керек. Сол уақытта апатты толық жойып, қалыпты жағдайға жетеміз.

Азамат Нұғыманов

Хабарламаларға жазылу