Әлихан Смайылов Shell компаниясының өкілімен кездесті - «Qazaqstan» Ұлттық телеарнасы

Әлихан Смайылов Shell компаниясының өкілімен кездесті

25.11.2022

Премьер-Министр Әлихан Смайылов Shell компаниясының барлау және өндіру жөніндегі директоры Зои Юновичпен кездесті.

Онда Қарашығанақ және Қашаған кен орындарын игерудің өзекті мәселелері мен газ өңдеу және мұнай-газ химиясы салаларындағы жобаларды іске қосу жоспарлары талқыланды. Әлихан Смайылов Қазақстан мұнай-газ саласының инвестициялық тартымдылығын арттыру жөніндегі шараларды іске асыруды жалғастыратынын атап өтті.

Ал Зои Юнович компанияның екіжақты әріптестік пен мұнай және газ өңдеу саласындағы жобаларды дамытуға әзір екенін жеткізді. Кездесу қорытындысында Премьер-Министр Үкіметтің мүдделер теңгерімін сақтай отырып, өзара тиімді ынтымақтастықты әрі қарай дамыту қажет екенін айтты.

Сәбит Әлдебай

Хабарламаларға жазылу