Зеленский Қауіпсіздік кеңесінде Ресейді қатаң айыптады - «Qazaqstan» Ұлттық телеарнасы

Зеленский Қауіпсіздік кеңесінде Ресейді қатаң айыптады

24.11.2022

Украина президенті Ресейді адамзатқа қарсы қылмыс жасап жатыр деп айыптады. Мұндай мәлімдемені Владимир Зеленский Біріккен Ұлттар Ұйымының Қауіпсіздік кеңесіне видеобайланыс арқылы жасады.

Бұл үндеуінде Зеленский Ресей армиясының зымырандық соққыларын ядролық қару қолданумен пара-пар «энергетикалық террор» деп сипаттады. «Ракеталар энергонысандарға тиіп жатқандықтан, ондаған миллион тұрғын жарықсыз, сусыз, жылусыз отыр. Бұл – адамзатқа қарсы нағыз қылмыс», - дейді Украина лидері.

Бірақ Мәскеудің Біріккен Ұлттар Ұйымындағы елшісі Василий Небензя мұның бәрін жоққа шығарды. Оның сөзінше, Украинаның инфрақұрылымын оның әскерінің Ресей зымырандарын құлатуға жіберген снарядтары қиратып жатыр екен.

Арыстан Рысбек


Хабарламаларға жазылу