Қарағандыда 180 миллион теңгені жымқырған алаяқ 9 жылға сотталды - «Qazaqstan» Ұлттық телеарнасы

Қарағандыда 180 миллион теңгені жымқырған алаяқ 9 жылға сотталды

22.11.2022

Қарағандыда «Лидер Капитал 168» қаржы пирамидасын ұйымдастырушы 9 жылға сотталды. Ол жылына теңгедегі салымдар бойынша 24% дейін және шетел валютасында 6% дейін немесе ай сайын 5% дейін жылдық табыс алу шартымен инвестиция тартып отырған.

Яковлева Ирина 2015 жылдың наурызынан 2020 жылдың сәуіріне дейін Қарағанды және Павлодар облыстарында «Лидер Капитал 168 микроқаржы ұйымының» филиалдарын ашып, осы қаржы пирамидасын басқарған. Осылайша өзінің құйтырқы әрекеттерімен жәбірленушілерге 180 млн теңге көлемінде материалдық залал келтірген.

Әлібек Әбділов, Қаржылық мониторинг агенттігінің ресми өкілі:

Сот үкімімен Яковлева Ирина Викторовна кінәлі деп танылып, 9 жыл мерзімге бас бостандығынан айыру жазасы тағайындалды. Сонымен қатар 7 жыл мерзім ішінде ол қаржылық ұйымның қатысушысы бола алмайды. Және қаржы ұйымының , банктік, немесе сақтандыру холдингінің басшы қызметтерін атқара алмайды. 

Руслан Нұрланұлы


Хабарламаларға жазылу