Қ.Тоқаевты бірнеше елдің басшысы құттықтады - «Qazaqstan» Ұлттық телеарнасы

Қ.Тоқаевты бірнеше елдің басшысы құттықтады

21.11.2022

Мемлекет басшысының атына құттықтау жеделхаттары келіп жатыр.

Қытай Халық Республикасының Төрағасы Си Цзиньпи Қасым-Жомарт Тоқаевты сайлаудағы айқын жеңісімен құттықтады. Ол елді реформалауға бағытталған бастамаларға сәттілік тілеп, Жаңа Қазақстанды құру ісі ілгерілейтініне сенім білдірген. Қытай төрағасы өз сөзінде сіздермен бірге мәңгі әрі жан-жақты стратегиялық серіктестіктің жаңа кезеңіне қадам басуға дайынмын деп жазған.

Сонымен қатар Ресей Федерациясының Президенті Владимир Путин де құттықтау жеделхатын жіберді. Ол бұл сенім мандаты мемлекетті дамытуға бағытталған бастамаларды жүзеге асыруға жаңа мүмкіндіктер береді деп атап өткен. Елдеріміз арасындағы дәстүрлі достыққа, тату көршілік қарым-қатынасқа және өзара құрметке негізделген серіктестігіміз дамып келеді. Бұл жұмысты одан әрі жалғастырамыз деген.

Президент Тоқаевты Беларусь Республикасының басшысы Александр Лукашенко құттықтады. Телефонмен әңгімелесу барысында қос ел арасындағы әріптестіктің қазіргі жағдайы мен перспективалары талқыланды. Сонымен қатар тараптар күн тәртібіндегі өзекті халықаралық және өңірлік мәселелер жөнінде пікір алмасты.

Хабарламаларға жазылу