Жаңалықтарды Telegram арнамыздан оқыңыз!Желтоқсан айынан бастап Өзбекстанмен шекарадағы «Қапланбек» өткізу бекеті жабылады. Мемлекеттік кірістер комитетінің хабарлауынша екі ел шекарадағы өткізу пункттерін реконструкциялау және жаңғырту жөніндегі Жол картасына сәйкес «Қапланбек» – «Зангиота» өткізу бекеттерін жабуға уағдаласқан.
1 желтоқсаннан бастап 2 жолақты өткізу пунктін 6 жолаққа дейін кеңейту жұмыстары басталады. Осылайша «Қапланбек» бекетінің өткізу қабілеті тәулігіне 200-ден 1000 көлікке дейін артады. Шекарадан өту уақыты да 25 минутқа дейін қысқарады. Одан бөлек барыс-келістің барлық кезеңі автоматтандырылмақ. Бұл сыбайлас жемқорлықтың алдын алуға мүмкіндік береді - дейді комитет өкілдері.
Сәбит Әлдебай
