Ресейде коронавирусқа қатысты карантиндік шектеулер алынып тасталды - «Qazaqstan» Ұлттық телеарнасы

Ресейде коронавирусқа қатысты карантиндік шектеулер алынып тасталды

26.10.2022

Ресейде коронавирусқа қатысты карантиндік шектеулер алынып тасталды. Бұл елге баратындар енді ПЦР тест тапсырмайды.

Индира Бегайдар, тілші:

Жаңа қаулыға сәйкес, Ресейге әуе, теңіз, құрлық арқылы келетін шетелдіктер енді коронавирустың бар-жоғын анықтайтын тест тапсырмайды. Өйткені 85 өңірде эпидемиялық ахуал тұрақталды. Осыған дейін бір тәулікте вирус жұқтырғандардың саны 40 мың адамнан асса, қазір бұл сан бес есе азайған.

Карантиндік шектеулер толығымен алынып тасталды. Яғни енді емханаларда маска тағу міндетті емес, сонымен қатар мейрамханалар мен кафелерге түнгі уақытта жұмыс істеуге рұқсат етілді. Онлайн жұмыс режимінде болған мекемелер қайтадан оффлайнға көшті. Жалпы Ресейде коронавирустың 139 штамы бар, дегенмен мамандар алаңдауға негіз жоқ, дейді.

Индира Бегайдар


Хабарламаларға жазылу