Республика күніне орай Қазақстан халқы Ассамблеясының мүшелері марапатталды - «Qazaqstan» Ұлттық телеарнасы

Республика күніне орай Қазақстан халқы Ассамблеясының мүшелері марапатталды

26.10.2022

Республика күніне орай Қазақстан халқы Ассамблеясының мүшелері марапатталды. Жалпы этномәдени бірлестіктердің 200-дей өкілі алғыс хаттарға ие болды. Олар өңірлердегі қоғамдық келісім мен жалпыұлттық бірлікті нығайту саласында көп жыл еңбек еткендер.

Сондай-ақ, бір топ белсенді азамат «Алғыс» пен «Жомарт жан» төс белгілеріне ие болды.Ал, елдегі тұрақтылық пен бірлікті сақтап, этносаралық келісімді қамтамасыз етуге абыройлы қызмет еткені үшін Ассамблеяның алты мүшесі «Құрмет» орденімен марапатталды.

Георгий Иорданиди, Қазақстан халқы Ассамблеясының кеңес мүшесі:

Қоғамдық жұмыстармен айналысып жүргеніме 30 жылдан асты. Елімізде алғашқы грек қоғамы 1989 жылы құрылды, ал Ассамблея алты жылдан кейін пайда болды. Ассамблея құрылғанда оның басы-қасында біз жүрдік. Бұл институт қоғамдағы тыныштық пен тұрақтылықты сақтауға үлесін қосып, өз миссиясын іс жүзінде орындап жатыр. Әрине, бұл біздің еңбегіміз ғана емес. Бұл Қазақстанда қиын-қыстау кезеңде өмір сүрген аталар мен әкелеріміздің еңбегі.

Ламбриан Топузидис

Хабарламаларға жазылу