Жаңалықтарды Telegram арнамыздан оқыңыз!
Адвокаттарға лайықты еңбекақы төленсін. Өйткені, мемлекеттік қорғаушыларға қызметі үшін 300 теңге қаламақы берілетін кездер болады. Республикалық адвокаттар алқасы мәжіліс талқысына осы жағдайды түзететін жаңа тұжырымдама ұсынды. Құжат 16 бөлімнен тұрады. Ішінде адвокат пен прокуратураның теңдігі, қорғаушылардың мәртебесі, еңбекақысы, адвокат қызметінің регламенттері мен кепілдері, әлеуметтік мәселелерін шешу туралы ұсыныстар бар. Осылайша адвокаттардың жұмысындағы кедергілерді жойып, қызметтің тиімділігін арттыру көзделген:
Айдын Бикебаев, Республикалық адвокаттар алқасының төрағасы:
Жер шарында адвокат деген ат, мамандық өте биік. Оған жету қиын. Адвокат болу үшін Америкада өте күрделі экзамен тапсырып өтеді. Бізде болса адвокаттың мәртебесі төмендеу ғой. Құқықтары төмендеу. Кепілдіктер жеткілікті емес. Соның бәрін түзеу керек. Жаңа Қазақстанда жаңа адвокатура болуы керек деген оймен өзіміздің тұжырымдамамызды жаздық.
Серік Селеубай
