Жаңалықтарды Telegram арнамыздан оқыңыз!Прездент сайлауына төртінші кандидат тіркелді. Бүгін Кәсіби әлеуметтік қызметкерлердің ұлттық альянсы атынан ұсынылған Қарақат Әбденге Орталық сайлау комиссиясы президенттікке кандидат куәлігін берді.
Асылбек Данияр, тілші:
Кандидат Қарақат Әбден «Сайлау туралы» Конституциялық заңға сәйкес, сайлаушылардың 121 мыңнан астам қолын жинаған. Комиссия оның 2000-нан астамын жарамсыз деп таныды. Сондай-ақ, комиссия аппаратының бюджетті жоспарлау және атқару бөлімі Әбденге де банктен арнаулы уақытша шот ашу үшін мәліметтерді жолдады. Қарақат Әбден мемлекеттік тілді еркін меңгерген. Мемлекеттік лауазымдардағы жұмыс тәжірибесі – 9 жыл 1 ай.
20 қарашада өтетін кезектен тыс Президент сайлауына әзірге төрт кандидат тіркелді. Ол Халықтық коалиция атынан ұсынылған Қасым-Жомарт Тоқаев, «Аманат» Қазақстанның кәсіподақтар ынтымақтастығы ұсынған Мейрам Қажыкен, «Ауыл» халықтық-демократиялық патриоттық партиясынан ұсынылған Жигули Дайрабаев және Кәсіби әлеуметтік қызметкерлердің ұлттық альянсы атынан ұсынылған Қарақат Әбден. Ал, қалған президенттікке кандидат ретінде ұсынылған 4 үміткер әлі кандидат ретінде тіркелген жоқ. Кандидаттарды тіркеу 21 қазанда аяқталады. Үгіт-насихат жұмыстары да сол күні 18:00-де басталады. Сайлауға 32 күн қалды.
Асылбек Данияр
