Жаңалықтарды Telegram арнамыздан оқыңыз!Қазақстанда «Мектептегі шахмат» жобасын жүзеге асыру жоспарланып отыр. Бұл туралы мемлекет басшысы Халықаралық шахмат федерациясының президенті Аркадий Дворковичті қабылдау кезінде айтты. Президенттің сөзінше елдегі 7 мың шахмат секциясын екі есе көбейту керек. Қазір ел бойынша шахматпен 200 мыңнан аса адам айналысады. Бұл спортты қолдауға баса мән береміз деді Қасым-Жомарт Тоқаев. Аркадий Дворкович мемлекет басшысына Астанада гран-при әйелдер сериясының бірінші кезеңінің өткізілуі туралы мәлімет берді. Сондай-ақ федерация шахматты мектеп бағдарламасына енгізу жөніндегі тәжірибесін бөлісуге дайын екенін жеткізді.
Саламат Омаш
